ദോഹ: അൽ റവാബി ഗ്രൂപ്പിന് കീഴിലുള്ള പ്രമുഖ എഫ്.എം.സി.ജി (FMCG) വിതരണ ശൃംഖലയായ റവാബി ഹോൾസെയിൽ വിഭാഗത്തിന്റെ 'സിൽവർ ജൂബിലി ബൊണാൻസ' ക്യാമ്പയിൻ വിജയികൾക്കുള്ള സമ്മാനങ്ങൾ വിതരണം ചെയ്തു. അൽ റയാനിലെ അൽ നയീഫ് സ്‌ക്വയറിലുള്ള ഹോൾസെയിൽ പ്ലസിൽ നടന്നചടങ്ങിലാണ് വിജയികൾക്ക് സമ്മാനങ്ങൾ കൈമാറിയത്.
​2000-ൽ പ്രവർത്തനം ആരംഭിച്ച റവാബി ഹോൾസെയിൽ വിഭാഗത്തിന്റെ 25 വർഷത്തെ വിജയകരമായ പ്രയാണം ആഘോഷിക്കുന്നതിന്റെ ഭാഗമായാണ് ഈ ക്യാമ്പയിൻ സംഘടിപ്പിച്ചത്. ക്യാമ്പയിനിലെ ബമ്പർ സമ്മാനമായ ഹവാൽ എച്ച് 9 (Haval H9) എസ്‌യുവി കാർ 'ഷവായ റെസ്റ്റോറന്റ് മെയ്തർ' (Shawaya Restaurant Maider) സ്വന്തമാക്കി.  തിരഞ്ഞെടുക്കപ്പെട്ട 10 വിജയികൾക്ക് പുത്തൻ ഐഫോൺ 17 എയർ (256 ജിബി) സമ്മാനമായി നൽകി.
​ചടങ്ങിൽ റവാബി ഗ്രൂപ്പ് അസോസിയേറ്റ് ഡയറക്ടർ മുഹമ്മദ് ജസീൽ, ഹോൾസെയിൽ വിഭാഗം അസിസ്റ്റന്റ് ജനറൽ മാനേജർ നൗഷാദ് കെ.ടി.കെ എന്നിവർ ചേർന്ന് വിജയികൾക്ക് സമ്മാനങ്ങൾ കൈമാറി. വിവിധ വിഭാഗം മേധാവികളും സ്റ്റോർ മാനേജർമാരും ചടങ്ങിൽ സംബന്ധിച്ചു.
​കഴിഞ്ഞ 25 വർഷമായി ഖത്തർ വിപണിയിൽ ഗുണമേന്മയുള്ള സേവനവും ഉപഭോക്താക്കളുടെ വിശ്വാസവുമാണ് റവാബിയുടെ കരുത്തെന്ന് മാനേജിംഗ് ഡയറക്ടർ മുഹമ്മദ് അബ്ദുള്ള പറഞ്ഞു. 50-ലധികം രാജ്യങ്ങളിൽ നിന്നുള്ള പതിനായിരത്തിലധികം ഉൽപ്പന്നങ്ങൾ വിതരണം ചെയ്യുന്ന റവാബി, ഹൈപ്പർമാർക്കറ്റുകൾ, റെസ്റ്റോറന്റുകൾ, മറ്റ് റീട്ടെയിൽ സ്ഥാപനങ്ങൾ എന്നിവർക്കിടയിൽ വിശ്വസ്തമായ പങ്കാളിയായി മാറിയെന്നും അദ്ദേഹം കൂട്ടിച്ചേർത്തു. വരും വർഷങ്ങളിലും ഉപഭോക്താക്കൾക്കായി കൂടുതൽ ആകർഷകമായ ക്യാമ്പയിനുകൾ തുടരുമെന്ന് മാനേജ്‌മെന്റ് അറിയിച്ചു.